Нейросироятҳо
Нейросироятҳо – ин гурӯҳи беморӣҳои сироятӣ мебошанд, ки қисматҳои гуногуни системаи марказии асабро зарар мерасонанд. Омилони чунин сироятҳо метавонанд вирусҳо, бактерияҳо, замбурӯғҳо, соддатаринҳо ва прионҳо бошанд. Нейросироятҳо метавонанд ба илтиҳоби ғилофҳои мағзи сар ва ҳароми нурӣ (менингит), зарари моддаи мағзи сар (энсефалит) ва ҳароми нурӣ (миелит) оварда расонанд..
Баъзе аз аломатҳои маъмули нейросироятҳо инҳоро дар бар мегиранд:
- Сардардҳои шадид;
- Ҳассосияти баланд ба садоҳо ва рӯшноӣ;
- Дилбеҳузурӣ ва сарчархзанӣ;
- Баланд рафтани ҳарорати бадан то 38-39°C;
- Мушакгирӣ ва шалшавӣ;
- Кӯтоҳмуддат аз ҳуш рафтан;
- Баромад дар пӯст.
Барои пешгирии нейросироятҳо тавсия дода мешавад:
- Ташрифи ҷойҳои ҷамъшавии бисёри одамон, аз қабили чорабиниҳои фарҳангӣ-оммавӣ ва майдончаҳои бозӣ дар марказҳои савдо-фароғатиро маҳдуд кардан;
- Аз тамос бо беморон худдорӣ кардан ва ниқоб истифода бурдан;
- Тозагии шахсиро риоя кардан, бахусус дастҳоро бодиққат шустан;
- Организмро обутоб додан ва бо варзиш машғул шудан.
Муҳим аст қайд кардан, ки ҳангоми пайдо шудани аломатҳои нейросироятҳо худтабобӣ набояд кард. Бояд ҳарчи зудтар ба табиб муроҷиат кард, зеро баъзе шаклҳои беморӣ метавонанд хеле тез инкишоф ёбанд ва оқибатҳои ҷиддӣ ба вуҷуд оваранд. Дар сурате, ки аломатҳо ниҳоят тез зоҳир шаванд, бояд фавран ёрии таъҷилӣ даъват карда шавад ё ба наздиктарин нуқтаи ёрии тиббӣ (беморхона ё поликлиника) муроҷиат карда шавад.
Кӯшиш кунед оромиро нигоҳ доред, доруҳои таъиннашударо қабул накунед ва амалҳоеро, ки аз ҷониби табиб тавсия нашудаанд, анҷом надиҳед. Ҳангоми пайдо шудани аввалин аломатҳо ба табиб муроҷиат кунед, бахусус агар онҳо бо ҳодисаҳои катаралӣ ҳамроҳ бошанд, аз қабили сардард, баланд рафтани ҳарорати бадан, сурхшавии гулӯ ва заифӣ. Ин ба ошкор ва ташхис намудани саривақтии нейросироятҳои эҳтимолӣ ва оғоз намудани табобати зарурӣ мусоидат мекунад.